Rüfət Dadaşov üçün 8 dəqiqə və 1 xal

Futbol üzrə Almaniya 3-cü Liqasında 24-cü turun oyunları keçirilib.

Komanda.az xəbər verir ki, Azərbaycan yığmasının hücumçusu Rüfət Dadaşovun formasını geyindiyi “Proyssen” klubu da növbəti matçına çıxıb.

Futbolçumuzun komandası doğma meydanda lider “Osnabryuk” ilə qarşılaşıb. Münster klubu bu oyundan heç-heçə ilə ayrılıb – 0:0.

Rüfət də bu görüşün iştirakçısı olub. O, 82-ci dəqiqədə meydana buraxılıb.

Dadaşovun komandası 24 turdan sonra 34 xalla 7-ci pillədə qərarlaşıb.