“Mən mütləq “qızıl top” mükafatının favoritləri arasındayam”

“Bayern”in və İngiltərə millisinin hücumçusu Harri Keyn bu il “qızıl top” mükafatını qazanmaq şanslarından danışıb.

Komanda.az xarici KİV-ə istinadən xəbər verir ki, ingiltərəli forvard bunu söyləyib:

“Mən mütləq “qızıl top” mükafatının favoritləri arasındayam. İngiltərə millisi dünya çempionatını qazanarsa, əlbəttə ki, ingilis oyunçunun “qızıl top”u qazanacağını təsəvvür edə bilərsiz”.

2026-cı il dünya çempionatında İngiltərə millisi L qrupunda Qana, Panama və Xorvatiya yığmaları ilə oynayacaq.