İbrahimoviçə görə gedəcəyi deyilən futbolçu 3 klubun hədəfində

İtaliyanın “Milan” klubunun forvardı Kşiştof Pyateklə yollarını ayıra biləcəyini xəbər vermişdik.

Komanda.az İtaliya mətbuatına istinadən xəbər verir ki, polşalı futbolçu üç klubun maraq dairəsindədir. İngiltərədən “Aston Villa” və “Nyukasl”, Almaniyadan “Bayer” Pyatekin xidmətində maraqlıdır. Futbolçunun Zlatan İbrahimoviçin “qırmızı-qaralar”a keçidindən sonra komandadan ayrılmaq istədiyi, klubun da onun getməsində maraqlı olduğu bildirilir.

Keçən ilin yanvarından “Milan”ın şərəfini qoruyan 24 yaşlı futbolçu, bu mövsümdə iştirak etdiyi 18 oyunda 4 qolla yadda qalıb.