“Mançini böyük səhv etdi” – Kapello

İtaliyalı mütəxəssis Fabio Kapello İtaliya millisindəki baş məşqçi dəyişikliyindən danışıb.

Komanda.az “Tuttosport”-a istinadən xəbər verir ki, Kapello, Luçano Spalettinin milliyə gəlişindən məmnun olduğunu söyləyib:

“Roberto Mançini böyük səhv etdi. O, federasiya prezidentini günahlandırıb. Əvəzində, o, “mənim imtina edə bilməyəcəyim təklif var” deməli və buna uyğun olaraq istefa verməli idi.

Spalettinin milliyə gəlişindən məmnunam. Millini belə götürüb rəhbərlik etmək üçün bir az dəli olmaq lazım idi. Spalletti isə bir az çılğındır. Spalletti İtaliya millisi üçün yaxşı seçimdir. O, ruhlandırıcı məşqçidir və komandalarını hara aparmaq istədiyini bilir”.

Luçano Spaletti avqust ayında İtaliya millisinin “sükanı arxasına” keçib. O, bu postda Roberto Mançinini əvəzləyib.