“Mançester Yunayted” Ronaldo üçün “tükünü tərpətməyəcək”

“Mançester Yunayted” hücumçusu Kriştiano Ronaldo klubdan getmək istəsə, onu buraxmağa hazırdır.

Komanda.az “The Mirror”a istinadən xəbər verir ki, “qırmızı şeytanlar” bu mövsüm Çempionlar Liqasına vəsiqə qazanmasa, 37 yaşlı portuqaliyalı futbolçunun klubdan ayrılacağı gözlənilir.

Xəbərdə bildirilir ki, Ronaldo getmək istəsə, MY rəhbərliyi onu saxlamaq üçün cəhd etməyəcək. Baxmayaraq ki, Kriştianonun klubla müqaviləsi 2023-cü ilin yayına qədərdir.