“Qranada” səfərdə darmadağına sevindi

Futbol üzrə İspaniya La Liqasında 12-ci tura yekun vurulub.

Komanda.az xəbər verir ki, ilk oyun günündə dörd qarşılaşma keçirilib. Turun açılış matçında turnir cədvəlinin ikincisi “Real” səfərdə “Elçe”nin qonağı olub. Madrid təmsilçisi bu oyundan çətin qələbə ilə ayrılıb.

“Sevilya” bu turda “Osasuna”nı, “Valensiya” isə “Vilyarreal”ı sınağa çəkib. Hər iki oyunda meydan sahibləri inamlı qələbəyə seviniblər. Baş məşqçi Ronald Kumanla yollarını ayıran “Barselona”nın bu turdakı rəqibi “Alaves” olub. Kataloniya təmsilçisi bu oyunda hesabı açsa da, üstünlüyünü sonadək qoruya bilməyib.

Bazar günü “Atletiko” doğma meydanda “Betis”i darmadağınla məğlub edib. “Xetafe” də “Espanyol”u məğlub yola salıb.

“Kadis” – “Malyorka” matçında qalib müəyyənləşməyib. Lider “Real Sosyedad” da “Atletik”lə ev oyunundan xal itkisi ilə ayrılıb.

Sonuncu oyun günündə iki görüş baş tutub. “Rayo Valyekano” – “Selta” matçında hesab açılmayıb. Səfərdə “Levante” ilə qarşılaşan “Qranada” isə darmadağınla qalib gəlib.

İspaniya La Liqası, 12-ci tur

30 oktyabr

Elçe – Real 1:2
Qol: Milya, 86 – Vinisius, 22; 73.

Sevilya – Osasuna 2:0
Qol: D.Karlos, 40. Okampos, 60.

Valensiya – Vilyarreal 2:0
Qol: Gilyamon, 43. Soler, 77-pen.

Barselona – Alaves 1:1
Qol: Depay, 49 – Rioxa, 52.

31 oktyabr

Kadis – Malyorka 1:1
Qol: Neqredo, 90+3 – Baba, 29.

Atletiko – Betis 3:0
Qol: Karrasko, 26. Petsella, 63-öz qapısına. J.Feliks, 80.

Xetafe – Espanyol 2:1
Qol: E.Ünal, 31; 56 – S.Qomes, 38.

Real Sosyedad – Atletik 1:1
Qol: İsak, 58-pen – Muniain, 90+1.

1 noyabr

Rayo Valyekano – Selta 0:0

Levante – Qranada 0:3
Qol: Q.Sançes, 7. L.Suares, 38. Puertas, 69.

Bombardir: Kərim Benzema (Real) – 9 qol.