Bundesliqa klubunda yeni müqavilə

Almaniyanın “Hoffenhaym” klubu futbolçusu Stiven Zuberin müqaviləsinin müddətini artırıb.

Komanda.az xəbər verir ki, bu barədə Bundesliqa təmsilçisinin mətbuat xidməti məlumat yayıb. 28 yaşlı yarımmüdafiəçi ilə müddəti 2023-cü ilin yayına qədər olan sözləşmə imzalanıb.

2014-cü ildən “Hoffenhaym”da çıxış edən Zuber, 23 dəfə də İsveçrə yığmasının formasını geyinib.