“İnter” Vidalla razılığa gəldi, ancaq…

“İnter” “Barselona”nın futbolçusu Arturo Vidalla razılıq əldə edib.

Komanda.az xəbər verir ki, “neradzurra” çilili yarımmüdafiəçini 6 aylıq icarəyə götürüb, daha sonra isə transfer hüquqlarını satın almaq istəyir. Bu barədə İtaliya mətbuatı məlumat yayıb.

Vidalla “İnter” arasındakı müqavilə 2022-ci ilin yayına qədər nəzərdə tutulub. Yarımmüdafiəçi “İnter”də cari mövsümün sonuna qədər 4,5 milyon avro qazanacaq. 2020-ci ilin yayından isə Vidalın məvacibi 6 milyon avro olacaq.

Ancaq “Barselona” Vidalı icarəyə vermək istəmir və “İnter”dən 20 milyon avro tələb edir.

32 yaşlı futbolçunun “Barselona” ilə müqaviləsi 2021-ci ilin yayına qədərdir.