Bundesliqada autsayderlərin günü

Almaniya Bundesliqasında 17-ci tura yekun vurulub.

Komanda.az xəbər verir ki, turun açılış matçında Dortmund “Borussiya”sı səfərdə “Hoffenhaym”ın qonağı olub. Hesabı qonaqların açdığı oyunda meydan sahibləri əzmkar qələbəyə seviniblər.

Şənbə günü altı görüş baş tutub.

“Köln” “Verder”i məğlub yola salıb. “Şalke” – “Frayburq” matçında qalib müəyyənləşməyib. “Maynts” evdə “Bayer”ə minimal hesabla uduzub.

Lider “Leyptsiq” bu turda “Auqsburq”u sınağa çəkib və inamlı qələbəyə sevinib. “Bavariya” isə “Volfsburq”la üz-üzə gəlib və 2 cavabsız qolla qalib gəlib. Səfərdə “Herta”nın qonağı olan Münhenqladbax “Borussiya”sı isə turu xal itkisi ilə başa vurub.

Sonuncu oyun günündə iki görüş baş tutub. Autsayderlər sırasında qərarlaşan Düsseldorf “Fortuna”sı doğma meydanda “Yunion Berlin”ə, “Paderborn” isə “Ayntraxt”a qalib gəlib.

Almaniya Bundesliqası, 17-ci tur

20 dekabr

Hoffenhaym – Borussiya D 2:1
Qol: Adamyan, 79. Kramariç, 87 – Qötze, 17.

21 dekabr

Bavariya – Volfsburq 2:0
Qol: Zirkze, 85. Qnabri, 89.

Köln – Verder 1:0
Qol: Kordoba, 39.

Maynts – Bayer 0:1
Qol: Alario, 90+3.

Leyptsiq – Auqsburq 3:1
Qol: Laymer, 68. Şik, 80. Poulsen, 89 – Nyederlexne, 8.

Şalke – Frayburq 2:2
Qol: S.Serdar, 26. A.Kutucu, 80 – Petersen, 54-pen. Qrifo, 67-pen.

Herta – Borussiya M 0:0

22 dekabr

Fortuna D – Yunion 2:1
Qol: Henninqs, 38. Tommi, 90 – Parensen, 48.

Paderborn – Ayntraxt 2:1
Qol: Sabiri, 9. Skonlau, 41 – Dost, 72.

Bombardir: Robert Levandovski (Bavariya) – 19 qol.