“Bunu qazansam, bütün xəyallarım gerçək olacaq” – Mane

“Liverpul”un futbolçusu Sadio Mane “qızıl top” mükafatına namizədlər arasında olmasına münasibət bildirib.

Komanda.az xarici mətbuata istinadən xəbər verir ki, seneqallı hücumçu, “qızıl top”u qazanmaq istədiyini deyib:

“Dürüst olmaq lazımdırsa, “qızıl top”u qazanmaq uşaqlıq xəyalımdır. Uzun zaman çalışdığımın bəhrəsini görmək istəyirəm. Bunu qazansam, bütün xəyallarım gerçək olacaq. Bundan qürur duyaram və dünyanın ən xoşbəxt insanı olaram”.

“Liverpul”la 2023-cü ilə qədər müqaviləsi olan Mane, bu mövsüm 12 oyunda 8 qol vurub.

“Qızıl top”un qalibi dekabrın 2-də bəlli olacaq.