ÇL: “Real”ı necə məğlub edə biləcəyimizə diqqət yetirmişik”

“Atalanta”nın hücumçusu Ademola Lukman UEFA Çempionlar Liqası çərçivəsində “Real”la oyundan gözləntilərini bölüşüb.

Komanda.az “Madrid Universal”-a istinadən xəbər verir ki, nigeriyalı vinger çox çətin oyun olacağını bildirib:

“Çox çətin oyun olacaq, ancaq biz özümüzə və onları necə məğlub edə biləcəyimizə diqqət yetirmişik. Bu, bizim üçün daha bir böyük çağırışdır. Superkuboku yaddan çıxarmışıq? Bu, keçmişdir. İndi yeni matçdır, bu, daha yaxşı olduğumuzu göstərmək üçün fürsət deməkdir.

Vinisius Junior? Bu, ən yüksək səviyyəli oyunçudur. O, inanılmaz oynayır, biz ona diqqət yetirməliyik. Əlbəttə ki, “Real”da fərq yarada biləcək kifayət qədər oyunçu var, amma onlar təkcə bununla deyil, həm də komanda oyunu ilə seçilirlər”.

“Atalanta” – “Real” matçı bu gün saat 00:00-da start götürəcək.