“Real”ın hücumçusu “Monako”da?

İspaniyanın “Real” klubunun satış siyahısında olan Mariano Dias klubdan ayrılmağa hazırlaşır.

Komanda.az İspaniya mətbuatına istinadən xəbər verir ki, “kral klubu”ndan ən qısa müddətdə ayrılmaq istəyən 25 yaşlı hücumçu, “Monako” ilə razılıq əldə edib. Fransa klubunun “Real”la da danışıqları müsbət yekunlaşdıracağı bildirilir.

“Real” futbolçunun transfer qiymətini 20 milyon avro olaraq müəyyənləşdirib. Onunla “Roma” və “Milan”ın da yaxından maraqlandığı deyilir.

2017-2018-ci illərdə Liqa 1 təmsilçisi “Lion”da forma geyinən Dias, 2018-ci ildə Madrid klubuna transfer olunmuşdu.