“Mbappe mənə Ronaldonu xatırladır” – Keçmiş futbolçu

İngiltərə millisinin sabiq yarımmüdafiəçisi Ouen Harqrivs PSJ-nin hücumçusu Kilian Mbappenin çıxışından danışıb.

Komanda.az “Football.London”-a istinadən xəbər verir ki, “Mançester Yunayted”in keçmiş futbolçusu Mbappenin ona Kriştiano Ronaldonu xatırlatdığını söyləyib:

“Mbappe sadəcə xüsusidir, mənə Ronaldonu xatırladır. Onun hərəkəti inanılmaz bir şeydir. Anri ilə müqayisə etmək üçün Kilian Tyeri ilə eyni işi görməlidir. Mbappenin istedad baxımından praktiki olaraq tayı-bərabəri yoxdur. Düşünürəm ki, Mbappe düzgün yoldadır. O, artıq dünya kubokunu qazanıb və yaxın illərdə mütləq “qızıl top”u da qazanacaq”.

Mbappe 2017-ci ildən PSJ-də çıxış edir. Futbolçunun Paris klubu ilə müqaviləsi bu ilin iyun ayının sonuna kimi qüvvədədir.