Tahir Gözəl “Qarabağ”ı təbrik edib

“Qarabağ”ın prezidenti Tahir Gözəl UEFA Avropa Liqasının qrup mərhələsinin 6-cı turunda “Hakken”ə 2:1 hesabı ilə qalib gələrək turnirin pley-off mərhələsinə yüksəlməsi münasibəti ilə komandanı təbrik edib.

Komanda.az Ağdam təmsilçisinin mətbuat xidmətinə istinadən xəbər verir ki, klub rəhbəri Azərbaycan futbolu tarixində ilk dəfə UEFA Avropa Liqasına yüksələn komandanın bu nailiyyətini yüksək qiymətləndirdiyini qeyd edib.

Bu tarixi nəticənin qazanılmasında Qarabağ ruhunun, birıiyinin başlıca rol oynadığını vurğulayan Tahir Gözəl, komandaya növbəti oyunlarda uğurlar arzulayıb.

Qeyd olunub ki, klub prezidenti dekabrın 18-də İsveçrənin Nyon şəhərində təşkil olunacaq püşkatma mərasimində iştirak edəcək. Tahir Gözəl “Qarabağ”ın pley-offdakı rəqibinin müəyyənləşməsini canlı izləyəcək.