Martines “İnter”dən gedir? – Açıqlama

“İnter”in vitse-prezidenti Xavyer Zanetti hücumçu Lautaro Martinesin “Çelsi”yə keçəcəyi ilə bağlı yayılan xəbərlərə münasibət bildirib.

Komanda.az İtaliya mətbuatına istinadən xəbər verir ki, o, argentinalı forvardla bağlı hansısa klubla danışıqlar aparmadıqlarını deyib:

“Martineslə bağlı hansısa klubla danışıqlar aparmamışıq. Tam əminliklə deyirəm: o, “İnter”də çox xoşbəxtdir”.

Öncədən argentinalının London klubu ilə müqavilə imzalayacağı deyilirdi. İspaniyanın “Real” klubu da futbolçu ilə maraqlanır.

Martines 2022/23 mövsümündə “neradzurra”nın heyətində bütün turnirlər daxil olmaqla 57 oyuna çıxıb, 28 qol vurub və 11 məhsuldar ötürmə edib.