“Liverpul” serbiyalı futbolçunu istəyir

“Liverpul” “Yuventus”un hücumçusu Duşan Vlahoviçi transfer etməyi düşünür.

Komanda.az “calciomercato.com”-a istinadən xəbər verir ki, 23 yaşlı hücumçunun özü də Turin klubundan ayrılmaq niyyətindədir. Serbiyalı futbolçu “Real”da oynamaq istəyir.

Vlahoviç 2022-ci ilin yanvarından “qoca sinyora”nın formasını geyinir. Onun klubla müqaviləsi 2026-cı ilin iyununa qədərdir.

O, 2022/23 mövsümündə “Yuventus”un heyətində bütün turnirlər daxil olmaqla 26 oyuna çıxıb, 10 qol vurub və 4 məhsuldar ötürmə edib.