“Aruka”nı seçdim, çünki…” – Yusuf Laval

Qış transfer pəncərəsində “Neftçi”dən Portuqaliyanın “Aruka” klubuna keçən Yusuf Laval seçiminin səbəbini açıqlayıb.

Komanda.az “africafootunited.com” saytına istinadən xəbər verir ki, nigeriyalı futbolçu daha böyük uğurlar qazanmaq üçün bu addımı atdığını bildirib.

25 yaşlı hücumçu “Aruka”nın azarkeşləri haqda danışıb:

“Aruka”nı seçdim, çünki azarkeşlərlə çox sıx əlaqəyə malik gözəl klubdur. Komandanın mümkün olan ən yüksək uğuru qazanmasına kömək etmək istəyirəm. Əlimdən gələni edəcəyəm və yaxşı nəticələr üçün mübarizə aparacağam. Burada böyük uğurlar qazanmağı hədəfləyirəm”.

Yusuf Laval 2020-2022-ci illərdə “Neftçi”də çıxış edib. Hücumçunun hazırkı komandası “Aruka” Portuqaliya yüksək liqasında 18 turdan sonra 26 xal toplayıb və 7-ci pillədə qərarlaşıb.