“Məyusedici qollar buraxdıq” – “Lids”in baş məşqçisi

“Lids”in baş məşqçisi Cesse Marş İngiltərə Premyer Liqasının 17-ci turunun “Mançester Siti” ilə matçı haqda (1:3) danışıb.

Komanda.az BBC-yə istinadən xəbər verir ki, o, “şəhərlilər”in topla oyunu idarə etdiyini bildirib:

“Mançester Siti” haqqında hər kəsin bildiyi bir şey var: onlar topla oyunu idarə edir və tarazlığı pozur. Məyusedici qollar buraxdıq. Rəqib bizi çox qaçmağa məcbur etdi. Nəticədə bizi yordular və qol vurmaq üçün şanslarını artırdılar”.

Hazırda “Mançester Siti” 35 xalla İngiltərə Premyer Liqasının turnir cədvəlində 2-ci pillədədir. “Lids” isə 15 xalla 15-ci pillədə qərarlaşıb.