Super Liqa klubunda baş məşqçi dəyişikliyi

Türkiyənin “Ankaragücü” klubu baş məşqçi Bayram Bektaşla yollarını ayırıb.

Komanda.az xəbər verir ki, bu barədə klubun prezidenti Mehmet Yiğiner Türkiyə mətbuatına açıqlamasında deyib. O, Bektaşla yollarının ayrıldığını, komandanın “sükan”ının isə Mustafa Kaplana tapşırıldığını bildirib.

Bektaş 2018-ci il dekabrın 19-da “Ankaragücü”nə baş məşqçi təyin edilmişdi.

Paytaxt təmsilçisi 20 xalla turnir cədvəlinin 12-ci pilləsində yer alıb.