Turalla Elvin oynadı, “Dauqavpils”…

Futbol üzrə Latviya çempionatında 4-cü turun oyunları keçirilib.

Komanda.az xəbər verir ki, azərbaycanlı futbolçular – Vüqar Əsgərov, Elvin Sərkərov və Tural Bayramlının formasını geyindiyi “Dauqavpils” də növbəti matçına çıxıb.

Sözügedən kollektiv doğma meydanda “Riqa” ilə üz-üzə gəlib. Futbolçularımızın komandası bu oyundan məğlubiyyətlə ayrılıb – 0:1.

Azərbaycanlı futbolçulardan Elvinlə Tural da bu matçın iştirakçısı olub. Onların hər ikisi start heyətdə meydana çıxıb. Sərkərov 67-ci, Bayramlı 88-ci dəqiqədə əvəzlənib. Vüqar isə cəza səbəbindən bu görüşü buraxıb.

Dörd turdan sonra “Dauqavpils” 3 xalla 9 komanda arasında 6-cı pillədə qərarlaşıb.