Çempionlar Turu: Rəcəbov final mərhələsində, Məmmədyarov kənarda qaldı

Şahmat üzrə norveçli dünya çempionu Maqnus Karlsenin təşkil etdiyi Çempionlar Turunun final mərhələsinin bütün iştirakçıları bəlli olub.

Komanda.az xəbər verir ki, turnir cədvəlində ilk 8 yerin sahibi həlledici raundda iştirak edəcək.

Azərbaycan təmsilçilərindən Teymur Rəcəbov 9 mərhələnin yekununda 133 xalla 4-cü olub və finala vəsiqə qazanıb. 26 xal toplayan Şəhriyar Məmmədyarov isə 12-ci yeri tutub.

Rəcəbovun indiyədək qazancı 103 min 968, Məmmədyarovun isə 30 min 323 dollardır.

Final mərhələsi sentyabrın 25-də Norveçin paytaxtı Osloda başlayacaq.