“Qarabağ”a qarşı iki möhtəşəm oyun sərgiləmək istəyirik”

Kiprin AEL komandasının futbolçusu Euller Silva Konfrans Liqasının 3-cü mərhələsində “Qarabağ”a qarşı keçirəcəkləri oyunlar haqda fikirlərini bildirib.

Komanda.az xəbər verir ki, Braziliya mətbuatına danışan 26 yaşlı müdafiəçi, “Qarabağ”ı mübarizədən kənarlaşdırmaq istədiklərini deyib:

“Qarabağ”a qarşı iki möhtəşəm oyun sərgiləmək istəyirik. Qrup mərhələsinə yüksəlməyin əhəmiyyətini bilirik. Oyunlara yaxşı köklənmişik.

Fikrimiz yarışın qrup mərhələsinə vəsiqə qazanmaqdır. Qrupa düşmək üçün mübarizə aparacağıq”.

“Qarabağ” AEL-lə ilk matçını avqustun 5-də səfərdə, cavab oyununu isə bir həftə sonra Bakıda keçirəcək.