Türk futbolçunun “Yuventus”dan tələbi

“Yuventus”un vingeri Kənan Yıldız klubu ilə yeni müqavilə imzalaya bilər.

Komanda.az “Gazzetta dello Sport”-a istinadən xəbər verir ki, komandanın aparıcı futbolçusu maaşının ciddi şəkildə artırılmasını istəyir.

Kənan illik qazancının 6 milyon avroya çatdırılmasını tələb edir. Hazırda isə 20 yaşlı yarımmüdafiəçi “Yuventus”da mövsümə 1,7 milyon avro qazanır. Tərəflər arasındakı müqavilənin müddəti 2029-cu ilin yayına qədərdir.

Türkiyəli futbolçu cari mövsümdə İtaliya A Seriyasında 15 oyunda meydana çıxıb, 5 qol vurub və 4 məhsuldar ötürmə verib.