“Trabzonspor” futbolçusunu icarəyə verdi

“Trabzonspor” yarımmüdafiəçisi Hakan Yeşili icarəyə verib.

Komanda.az xəbər verir ki, 21 yaşlı futbolçu “Bodrumspor”a keçib.

Dayaq yarımmüdafiəçisi bu mövsümün sonuna kimi aşağı liqa təmsilçisində icarədə olacağı diqqətə çatdırılıb.

Hakan “Trabzonspor”un öz yetirməsidir. O, əsas komandada cəmi 1 oyuna çıxıb. Trabzon klubu daha öncə yarımmüdafiəçini 2 dəfə “1461 Trabzon”a, bir dəfə isə “Adanaspor”a icarəyə verib. Hakan Türkiyənin aşağı yaş qrupları üzrə yığmalarında da oynayıb.