“Barselona” Suares və Messidən sonranı düşünməyə məcburdur”

“Barselona”nın və Braziliya millisinin sabiq futbolçusu Rivaldo Kataloniya klubu barədə açıqlama verib.

Komanda.az İspaniya mətbuatına istinadən xəbər verir ki, sabiq futbolçu, “Barselona”ya Luis Suares və Lionel Messinin yerini doldurmaqla bağlı məsləhət verib:

“Suaresin 33 yaşı var və klubla müqaviləsi növbəti mövsümün sonunda başa çatır. O, hələ də ən yüksək səviyyədə çıxış edir və bir-iki mövsüm daha oynaya bilər. Amma klub gec-tez Suaresin yerini kimin dolduracağını düşünməli və mümkünsə, futbolçu transfer etməlidir. Eyni məsələ Messi üçün də keçərlidir. “Barselona” Suares və Messidən sonranı düşünməyə məcburdur. Heyətin yenilənməsi futbolun bir parçasıdır. “Barselona”da oynamış mən daxil digər futbolçular da bunu yaşayıb, çünki bir vaxtdan sonra yaşınız sizə mesaj göndərməyə başlayır. Futbolçular gəlib-gedir, klub isə qalır. Buna görə də, mövcud heyətdən məmnun olsaz belə, hər zaman yeni futbolçular barədə düşünməlisiz”.