“Futbol Messiyə borcludur” – Krespo

Argentina milli komandasının sabiq futbolçusu Ernan Krespo yığmanın hazırkı kapitanı Lionel Messi haqda danışıb.

Komanda.az xarici mətbuata istinadən xəbər verir ki, keçmiş hücumçu, futbolun Messiyə borclu olduğunu deyib:

“Messi dünya çempionatını qazanmazsa, haqsızlıq olar. Ümumiyyətlə, futbol Messiyə borcludur. Ancaq dünya çempionu ola bilməsə belə, onun səviyyəsi azalmayacaq. Bütün Argentina Messinin bu titulu qazanmasını istəyir. Mən də bunu bütün qəlbimlə istəyirəm, ancaq bu olmasa da, Messi yüksək performansından əl çəkməyəcək”.

Krespo 1995-2007-ci illər aralığında Argentina yığmasının formasını geyinib.