MY futbolçuların maaşını azaldır

İngiltərənin “Mançester Yunayted” klubunun futbolçuları maaşlarının 30 faiz azaldılmasına razılıq verib.

Komanda.az Britaniya mətbuatına istinadən xəbər verir ki, klubun icraçı direktoru Ed Vudvordla komandanın kapitanı Harri Maquayr maaşların azaldılması ideyasını müzakirə ediblər.

Müdafiəçi bu ideya ilə razılaşıb. O, bir aylıq məvaciblərinin 30 faizinin koronavirusdan mübarizə üçün xəstəxanalara verilməsini istəyib. Komandanın digər oyunçularının da Maquayrın bu təklifi ilə razılaşdığı vurğulanıb.

“Mançester Yunayted”in bununla bağlı yaxın günlərdə rəsmi məlumat yayacağı bildirilir.