“Koutinyonu yenidən görməyə şad olarıq, amma…” – “Liverpul”un futbolçusu

İngiltərənin “Liverpul” klubunun yarımmüdafiəçisi Cordan Henderson komandanın keçmiş futbolçusu Filippe Koutinyo ilə bağlı açıqlama verib.

Komanda.az İngiltərə mətbuatına istinadən xəbər verir ki, 29 yaşlı futbolçu, Koutinyonun “qırmızılar”a mümkün qayıdışı ilə bağlı danışıb:

“Koutinyo yaxın dostumdur. O, mükəmməl futbolçudur, ehtiyacı olan hər şeyə sahibdir. İnanılmaz keyfiyyətləri var və futbolu sevir. Koutinyonu yenidən görməyə şad olarıq, amma bu, mənim verəcəyim qərar deyil. Burda hər kəs Filippi sevir, hamı onun qayıtmasını istəyər. Amma məncə, Koutinyonun “Liverpul”dakı zamanı bitib”.

2013-2018-ci illərdə “Liverpul”un şərəfini qoruyan Koutinyo, Mersisayd təmsilçisindən “Barselona”ya transfer olunmuşdu. O, hazırda icarə əsasında “Bavariya”da çıxış edir.