“Real”la “Barselona”dan səfər qələbəsi

02/10/2020 | 01:58

İspaniya La Liqasında 23-cü tura yekun vurulub.

Komanda.az xəbər verir ki, ilk oyun günündə bir qarşılaşma keçirilib. Açılış matçında “Alaves”lə “Eybar” üz-üzə gəlib. Üç qolun qeydə alındığı matç meydan sahiblərinin qələbəsiylə başa çatıb.

Şənbə günü daha dörd qarşılaşma baş tutub. “Levante” evdə “Leqanes”ə, “Xetafe” “Valensiya”ya qalib gəlib. “Valyadolid” – “Vilyarreal” matçında qalib müəyyənləşməyib. Madrid “Atletiko”su isə bu turda “Qranada” ilə ev oyunundan minimal hesabla qalib ayrılıb.

Lider “Real” bu turda “Osasuna” səfərinə yollanıb və darmadağınla qalib gəlib. Turun mərkəzi görüşü Əndəlüsdə keçirilib. “Barselona” burda “Betis”in qonağı olub. Kataloniya təmsilçisi bu oyunda əzmkar qələbəyə sevinib. “Sevilya” isə “Selta” ilə oyundan məğlub ayrılıb.

İspaniya La Liqası, 23-cü tur

7 fevral

Alaves – Eybar 2:1
Qol: L.Peres, 46. Burke, 66 – Orelyana, 83.

8 fevral

Levante – Leqanes 2:0
Qol: Roşina, 20. Rocer, 28.

Xetafe – Valensiya 3:0
Qol: Molina, 58; 67. Mata, 87.

Valyadolid – Vilyarreal 1:1
Qol: Alkaras, 15 – Moreno, 54.

Atletiko – Qranada 1:0
Qol: Korrea, 6.

9 fevral

Espanyol – Malyorka 1:0
Qol: De Tomas, 58.

Real Sosyedad – Atletik 2:1
Qol: Portu, 65. İsak, 83 – Uilyams, 71.

Osasuna – Real 1:4
Qol: Qarsiya, 14 – İsko, 33. Ramos, 38. Lukas, 84. Yoviç, 90+2.

Selta – Sevilya 2:1
Qol: Aspas, 78. Sisto, 90+1 – En Nesiri, 23.

Betis – Barselona 2:3
Qol: Kanales, 6-pen. Fekir, 26 – De Yonq, 9. Buskets, 45+3. Lanqle, 72.