Təbriz klubu səfərdən xalsız döndü

Futbol üzrə İran çempionatında 18-ci turun oyunları keçirilib.

Komanda.az xəbər verir ki, Cənubi Azərbaycanın elitadakı təmsilçisi “Maşinsazi” də növbəti matçına çıxıb.

Təbriz klubu səfərdə “Şəhr Xodru” ilə qarşılaşıb. Cənubi Azərbaycan təmsilçisi bu görüşdən məğlubiyyətlə ayrılıb – 1:3.

Təbrizin daha məşhur “Traktor” klubu isə bu tur doğma meydanda “Zobahan”a qalib gəlib – 2:1.

“Traktor” hazırda 33 xalla 16 kollektiv arasında 3-cü, “Maşinsazi” isə 23 xalla 9-cudu.