“Lester” layiqli rəqibdir – Henderson

İngiltərə Premyer Liqasının son turunda “Lester”lə 1:1 hesablı bərabərliyə razılaşan “Liverpul”un yarımmüdafiəçisi Cordan Henderson, oyunla bağlı açıqlama verib.

Komanda.az İngiltərə mətbuatına istinadən xəbər verir ki, 28 yaşlı futbolçu nəticədən məyus olduqlarını deyib:

“Qələbə qazanmaq istəyirdik, onun üçün də, nəticəyə görə məyusuq. Lakin “Lester” layiqli rəqibdir. Bu gün meydanda ən yaxşı oyunumuzu göstərə bilmədik. Oyunun sonuna qədər təzyiq göstərdik, amma qələbə qolunu vura bilmədik. Rəqib çox yaxşı müdafiə olundu, oyunumuz qələbə üçün kifayət etmədi. Hava şəraitinin də oyuna təsiri var idi, amma hər iki komanda eyni şərtlər altında oynayırdı.

Bundan sonra diqqətli olmağımız lazımdır. Daha yaxşı oynaya bilərik, bunun üçün də çox çalışmalıyıq”.

61 xalla turnir cədvəlinin ilk pilləsində qərarlaşan “Liverpul”, ikinci yerdə olan “Mançester Siti”dən beş xal irəlidədir.