23 yaşında karyerasını bitirdi

“Everton” klubunun sabiq futbolçusu Kalum Dayson karyerasını bitirib.

Komanda.az xəbər verir ki, bu barədə 23 yaşlı hücumçu rəsmi “tvitter” hesabından məlumat yayıb. Daysonun karyerasını bitirməsinə səbəb 2 il əvvəl ayağından ciddi zədələnməsi olub.

“Everton”un yetirməsi olan Kalum, 2015-2018-ci illər aralığında Mersisayd təmsilçisinin gənclər komandasında çıxış edib. İngilis oyunçunun son klubu “Plimut” olub. O, avqust ayından bəri işsiz idi.