Milli komandada 20 yaşlı rekordçu

Hollandiya millisi AÇ-2020-nin seçmə mərhələsinin 7-ci turunda Şimali İrlandiyanı məğlub edib.

Komanda.az xarici mətbuata istinadən xəbər verir ki, 3:1 hesabıyla bitən görüşdə “narıncılar”ın futbolçusu Matteys de Liqt yeni rekorda imza atıb. Belə ki, 20 yaşlı müdafiəçi Şimali İrlandiya ilə oyunda iştirak edərək, 20-ci dəfə millinin formasını geyinib. De Liqt Hollandiya yığması tarixində 20 oyun həddinə ən tez çatan futbolçu ünvanını qazanıb.

De Liqt 2017-ci ildən Hollandiya millisinə dəvət alır.