“Real”ın prezidenti: “Azarkeşlər mənə etibar etməlidirlər”

“Real”ın prezidenti Florentino Peres növbəti dəfə yüksək səviyyəli transferlərə işarə edib.

Komanda.az “Madrid Universal”-a istinadən xəbər verir ki, o, bunu deyib:

“Məni tanıyırsız. Mən burada olduğum müddətdə “Real” dünyanın ən yaxşı oyunçuları ilə müqavilə imzalayacaq. Azarkeşlər mənə etibar etməlidirlər”.

Madrid klubunun prezident seçkiləri 7 iyunda baş tutacaq və iki namizəd – Florentino Pereslə Enrike Rikelme mübarizə aparacaq. Hər iki tərəf klub azarkeşlərinə müntəzəm olaraq heyətin əhəmiyyətli dərəcədə gücləndiriləcəyinə söz verib.

Denzel Dumfris (“İnter”) və İbrahima Konate (“Liverpul”) tezliklə “Real”ın heyətinə qoşulacaqlar.