“Onun burda 5 il çıxış etməyəcəyini bilmək üçün peyğəmbər olmaq lazım deyil”

Son zamanlar “Mançester Yunayted”, “Yuventus” kimi klubların transfer hədəfində olduğu deyilən “Borussiya”nın (Dortmund) futbolçusu Ceydon Sanço ilə bağlı açıqlama verilib.

Komanda.az “Kicker”ə istinadən xəbər verir ki, Dortmund klubunun idman direktoru Mixael Zork, 19 yaşlı yarımmüdafiəçinin taleyinin müəyyənləşmədiyini bildirib:

“Sanço ilə bağlı hansısa qərar verilməyib, amma onun burda 5 il çıxış etməyəcəyini bilmək üçün peyğəmbər olmaq lazım deyil. Biz futbolçularımıza güvənirik və onlara oynamağa icazə verməkdən qorxmuruq.

Sanço instinktiv futbolçudur. Etdiklərindən razı qaldıqdan sonra geri çəkilmir. Futbolu gözəl oynamaq və uğurlu olmaq istəyir. O, burda çox inkişaf etdi. İnanmıram ki, bu inkişaf hansısa İngiltərə klubunda mümkün olsun”.

“Mançester Yunayted”in Sançonun transferində qətiyyətli olduğu və “Borussiya”nın tələb etdiyi 100 milyon avronu ödəyəcəyi bildirilir.