“Barselona” “Vilyarreal” qarşısına onlarsız çıxacaq

“Barselona” İspaniya La Liqasının 6-cı turunda “Vilyarreal”la qarşılaşacaq.

Komanda.az xəbər verir ki, Kataloniya təmsilçisinin sözügedən qarşılaşma üçün iştirak ərizəsi açıqlanıb. Komandanın baş məşqçisi Ernesto Valverde İvan Rakitiçi heyətə daxil etməyib. Rakitiçlə yanaşı, zədəli Xordi Alba və Samuel Umtiti də “Vilyarreal”la matçda forma geyinməyəcək.

Bir müddət əvvəl komandayla birgə məşqlərə başlayan Osman Dembele isə Valverdenin şans verəcəyi təqdirdə, “Vilyarreal”la oyunda iştirak edəcək.

“Barselona” – “Vilyarreal” matçı bu gün, saat 23:00-da start götürəcək.