“Milan” Niderland klubu ilə razılığa gələ bilmir

“Milan” rəhbərliyi hücumçu Santyaqo Ximenesin transferi ilə bağlı “Feyenoord”la danışıqları davam etdirir.

Komanda.az xarici KİV-ə istinadən xəbər verir ki, meksikalı futbolçu karyerasında yeni çağırışa açıqdır, ancaq indiyədək “Milan” Niderland klubu ilə razılığa gələ bilməyib.

İtaliya klubunun UEFA Çempionlar Liqasının növbəti matçından sonra bu məsələdə daha da fəallaşacağı bildirilir.

23 yaşlı forvard bu mövsüm bütün turnirlərdə 18 matçda iştirak edib, 15 qol vurub və 3 məhsuldar ötürmə verib.