“Atletiko” mənim üçün mükəmməldir” – Fransalı futbolçu

“Atletiko”da icarə əsasında çıxış edən “Barselona”nın müdafiəçisi Kleman Lanqle Madrid klubu haqda danışıb.

Komanda.az “Marca”-ya istinadən xəbər verir ki, fransalı futbolçu ilk dövrənin onlar üçün əla alındığını deyib:

“Əsas heyətdə oynamaq? Ümid edirdim ki, belə olacaq, kluba, komandaya kömək edə biləcəyimi göstərmək istəyirdim. Təbii ki, qələbə qazanmağı bacardığımız üçün çox şadam. Sona qədər mübarizə aparmaq bu klubun genlərində var. İlk dövrə bizim üçün əla alındı, amma qarşıda hələ çox zaman var və futbolda hər şey tez dəyişir. Qazanmağa davam etmək üçün yüz faiz işləmək lazımdır.

Niyə yayda bura köçmək istədim? Antuan Qrizmannla danışdıqdan sonra başa düşdüm ki, bu klubun dəyərləri mənimlə rezonans doğurur. “Atletiko” mənim üçün mükəmməldir”.

29 yaşlı futbolçu “Atletiko”ya 2024-cü ildə keçib.