“Barselona” Arauxonu bu şərtlərlə sata bilər

“Barselona” “Yuventus”un maraq göstərdiyi mərkəz müdafiəçisi Ronald Arauxonu satmaq istəmir.

Komanda.az xarici KİV-ə istinadən xəbər verir ki, lakin Kataloniya klubu bir neçə şərtlə bu variantı nəzərdən keçirməyə hazırdır. Əvvəla, “Barselona”nın nümayəndələri gələn həftə Arauxo ilə görüş keçirmək niyyətindədirlər, çünki onun klubdan ayrılmaq istəyini şəxsən təsdiqləməsini istəyirlər. Müdafiəçi niyyətini təsdiqləsə, o zaman “Barselona” onu “Yuventus”a satmaq variantını ciddi şəkildə nəzərdən keçirməyə başlayacaq.

İkincisi, “Barsa” Turin klubunun qış təklifinin Arauxonun müqaviləsinin bitməsinə bir il qalması səbəbindən transfer haqqının azalacağı və yayda satıla biləcəyi məbləğdən xeyli yüksək olmasını istəyir.

Üçüncü olaraq, transferin bu gün baş tutacaq İspaniya superkubokunun “Real”la final matçının nəticəsindən də çox asılı olacağı bildirilir. “Barselona” uduzsa, Arauxonu satmaq şansı azalacaq.