İngiltərə klubu “Şaxtyor”un futbolçusunu istəyir

“Şaxtyor”un yarımmüdafiəçisi Georgi Sudakov İngiltərə klubunun maraq dairəsinə düşüb.

Komanda.az “TBR Sports”-a istinadən xəbər verir ki, “Vest Hem” ukraynalı oyunçunu öz sıralarına cəlb etmək istəyir.

“Şaxtyor” Sudakovu yalnız onun üçün 60 milyon avro təklif edildikdə satacaqlarını bildirib. “Çəkicdöyənlər” hələ yarımmüdafiəçi üçün belə məbləği ödəməyə hazır olub-olmadıqlarına qərar verməyib. Bundan əvvəl mətbuat futbolçuya “Arsenal”, “Çelsi” və “Napoli”nin də maraq göstərdiyini yazmışdı.

Sudakov cari mövsümdə “Şaxtyor”un heyətində 21 matçda iştirak edib, 9 qol vurub və 3 məhsuldar ötürmə verib.