Slot: “Salahdan başqa, alternativimiz yoxdur”

“Liverpul”un baş məşqçisi Arne Slot uğurlu nəticələrin qazanılmasının Məhəmməd Salahın effektiv hərəkətlərindən asılı olması ilə bağlı sualı cavablandırıb.

Komanda.az Mersisayd klubunun mətbuat xidmətinə istinadən xəbər verir ki, niderlandlı çalışdırıcı, Salahdan başqa, alternativləinin olmadığını bildirib:

“Təbii ki, bu, narahatlıq doğurur. Salah da insandır, zədə ala bilər. Ondan başqa, alternativimiz yoxdur, çünki Federiko Kyeza mövsümə gec başlamışdı, Harvi Elliottun forma alması yaxşıdır. Mən Salahın performansının pisləşəcəyini düşünmürəm, onun əla formada qalacağına inanıram”.

32 yaşlı misirli forvard cari mövsümdə “Liverpul”un heyətində 20 oyun keçirib, 13 qol vurub və 11 məhsuldar ötürmə edib. Onun İngiltərə klubu ilə müqaviləsi gələn il iyunun sonunda başa çatacaq.