“Neftçi” – “Bney Yehuda”: Mətbuat konfranslarının vaxtı bilindi

Avropa Liqasının 3-cü təsnifat mərhələsinin ilk oyunları çərçivəsində öz meydanında İsrailin “Bney Yehuda” klubu ilə qarşılaşacaq “Neftçi”nin oyunöncəsi mətbuat konfransının və məşqinin vaxtı məlum olub.

Komanda.az klubun rəsmi “facebook” hesabına istinadən xəbər verir ki, 8-ci km stadionunda keçiriləcək “Neftçi” – “Bney Yehuda” oyunu öncəsi “ağ-qaralar”ın baş məşqçisi Roberto Bordinin və futbolçusu Namiq Ələskərovun iştirakı ilə mətbuat konfransı təşkil olunacaq. Tədbir avqustun 7-də 8-ci km stadionunda keçiriləcək və saat 17:30-da başlanacaq. Konfransdan sonra, saat 18:00-da komandanın media nümayəndələri üçün açıq (ilk 15 dəqiqəsi) məşqi baş tutacaq.

Həmin gün 8-ci km stadionunda “Bney Yehuda”nın baş məşqçisi Yossi Abukasis və futbolçu Dan Morinin mətbuat konfransı, həmçinin komandanın açıq məşqi (ilk 15 dəqiqəsi) olacaq. Konfrans saat 20:30-da, məşq isə saat 21:00-da başlanacaq.

“Neftçi” – “Bney Yehuda” matçı avqustun 8-də, saat 21:00-da start götürəcək.