“Qvardiola dünyanın ən yaxşı məşqçisidir” – Haland

“Mançester Siti”nin hücumçusu Erlinq Haland komandanın baş məşqçisi Xosep Qvardiola haqda fikirlərini bölüşüb.

Komanda.az “Sky Sports”-a istinadən xəbər verir ki, norveçli futbolçu, Qvardiolanın dünyanın ən yaxşı məşqçisi olduğunu bildirib:

“Qvardiola dünyanın ən yaxşı məşqçisidir. Ola bilsin ki, hamıdan yaxşısıdır”.

Daha əvvəl Qvardiolanın “Mançester Siti” ilə əməkdaşlığını 2026-cı ilin ortalarına qədər, bir mövsüm də uzatmaq imkanı ilə artırdığı açıqlanmışdı.

İspaniyalı çalışdırıcı 2016-cı ildən “şəhərlilər”in “sükanı arxasındadır”. Komanda onun rəhbərliyi altında 6 dəfə Premyer Liqa çempionu, həmçinin, UEFA Çempionlar Liqasının qalibi olub.