“Azarkeşlər nəticəyə fit çalıblar, amma biz çox yaxşı oynadıq” – Rafinya

“Barselona”nın və Braziliya millisinin vingeri Rafinya Dias yığma komandanın DÇ-2026-nın Cənubi Amerika üzrə seçmə mərhələsində Uruqvay yığması ilə ev oyunundakı çıxışını (1:1) dəyərləndirib.

Komanda.az “Globo TV”-yə istinadən xəbər verir ki, braziliyalı futbolçu çox yaxşı oynadıqlarını bildirib:

“Çox yaxşı oynadıq. Düzünü desəm, bütün komanda ilə fəxr edirəm. Bu gün göstərdiklərimizə əsasən, bizi məğlub etmək asan olmayacaq.

Azarkeşlər nəticəyə fit çalıblar, amma biz çox yaxşı oynadıq”.

Görüşün sonunda azarkeşlər braziliyalı futbolçuları fitə basıblar. Dorival Juniorun yetirmələri hazırda qrupda 5-ci yeri tutur.