Avroliqa: Toralın qolu həftənin ən yaxşısı seçildi

“Qarabağ”ın futbolçusu Toral Bayramovun Norveçdə “Bodo Qlimt”ə vurduğu qol Avropa Liqasında həftənin ən yaxşısı seçilib.

Komanda.az xəbər verir ki, bu barədə UEFA-nın rəsmi saytında bildirilib.

Cinah oyunçusunun dəqiq zərbəsi azarkeşlərin səsverməsindən sonra birinci olub.

Liqa mərhələsinin 4-cü turunun ən yaxşı qol müəllifi adına digər namizədlər Almaniyanın “Ayntraxt” (Frankfurt) klubundan Omar Marmuş, Bolqarıstan təmsilçisi “Ludoqorets”dən Erik Markus və Türkiyənin “Qalatasaray” komandasından Yunus Akgün idi.

“Qarabağ” Norveçdə rəqibini 2:1 hesabı ilə üstələyib.