“Mançester Siti”də yeni hücumçu – Rəsmi

İngiltərənin “Mançester Siti” klubu heyətini yeni futbolçuyla gücləndirib.

Komanda.az xəbər verir ki, “şəhərlilər” “Vest Bromviç”dən Morqan Rocersi transfer edib. Bu barədə klubun rəsmi saytı məlumat yayıb. 17 yaşlı hücumçu ilə imzalanan müqavilənin detalları açıqlanmayıb.

“Mançester Siti” 17 yaşadək futbolçulardan ibarət İngiltərə millisinin də üzvü olan Rocers üçün 4 milyon funt-sterlinq ödəyib.

Rocers 8 il idi ki, “Vest Bromviç” forması geyinirdi. O, ötən mövsüm əsas komandada debüt edib.