“Barselona” zədəli futbolçusunu satmaq istəyir

“Barselona”nın yarımmüdafiəçisi Frenki de Yonqun nə vaxt meydana qayıdacağı hələlik məlum deyil.

Komanda.az xarici KİV-ə istinadən xəbər verir ki, Kataloniya klubunun baş məşqçisi Hans-Diter Flik De Yonqun ən azı sentyabrda keçiriləcək beynəlxalq fasiləyə qədər oyunlarda iştirak etməyəcəyini qəbul edib.

De Yonq iyun ayında zədələndiyi üçün Avropa çempionatını buraxmışdı.

Niderlandlı futbolçunun qayıdışının dəqiq vaxtı hələ açıqlanmayıb. “Barselona” onun yüksək maaşı və zədəsinin müdəttinə görə De Yonqu satmaq istəyir.

27 yaşlı yarımmüdafiəçi ilə “Ayaks”dakı keçmiş məşqçisi Erik ten Haqın çalışdırdığı “Mançester Yunayted” maraqlanır.