“Çelsi”nin hücumçusu Almaniya klubuna keçə bilər

“Çelsi”nin hücumçusu Armando Broya İngiltərəni Almaniyaya dəyişə bilər.

Komanda.az xəbər verir ki, bu barədə “Tribal Football” məlumat yayıb. Məlumata görə, forvardla Dortmund “Borussiya”sı maraqlanır.

“Borussiya” rəhbərliyi “Çelsi” ilə mümkün transferlə bağlı danışıqlara başlayıb.

Broya bu mövsüm icarə əsasında “Fulhem”də çıxış edir. O, 7 matçda iştirak edib, 1 məhsuldar ötürmə verib. “Transfermarkt” portalı futbolçunun bazar dəyərini 28 milyon avro qiymətləndirir.