Kurtua meydana nə vaxt çıxacaq?

Tibo Kurtua bu mövsümün son matçlarında yenidən “Real”ın heyətində görünə bilər.

Komanda.az “Relevo”-ya istinadən xəbər verir ki, çox güman, belçikalı qolkiper cari mövsümün son matçlarında “kral klubu”nda meydana çıxacaq.

Kurtua çarpaz bağlarının zədələnməsi səbəbindən keçən ilin avqust ayında sıradan çıxıb. Madriddə etiraf edirlər ki, ukraynalı qapıçı Andrey Luninin uğurlu oyununa baxmayaraq, Kurtuaya daha çox güvənirlər.

“Real” mayın 8-də Çempionlar Liqasının yarımfinalında “Bayern”lə cavab matçına çıxacaq. İlk oyun 2:2 hesabı ilə başa çatıb.