Miroslav Stox Yunanıstan klubunda

Yunanıstanın PAOK klubu heyətini yeni futbolçu ilə gücləndirib.

Komanda.az xəbər verir ki, geridə qalan mövsümü çempion kimi başa vuran klub, sabiq futbolçusu Miroslav Stoxu geri qaytarıb. Bu barədə PAOK-un rəsmi saytı məlumat yayıb.

Son iki mövsümü Çexiyanın “Slaviya” (Praqa) klubunda keçirən Stox, Yunanıstan çempionu ilə 3 illik müqaviləyə imza atıb.

Slovakiya millisinin yarımmüdafiəçisi 2013/14 mövsümündə də PAOK-da çıxış edib. Stox Türkiyənin “Boluspor”, “Fənərbaxça”, İngiltərənin “Çelsi”, Hollandiyanın “Tvente” klublarında da forma geyinib.

Stox geridə qalan mövsümdə “Slaviya” ilə 49 oyuna çıxıb, 14 qol vurub.